1.十個女仔
作詞：許冠傑／黎彼得
作曲：許冠傑
十個女仔九個認細，明明係老佢話唔係，
三張幾野紮起辮仔，青春美麗就冇失禮。
十個女仔九個浪費，時時換季已係成例，
身光頸襯靚襯起好睇，錢亂 fing 為顧身世。
十個女仔九個實際，人人恨嫁富裕門第，
小妹選婿要講家底，屈居妾侍亦冇乜計。
十個女仔九個話咪，明明係制猛話唔係，
想討好佢老鼠拉龜，一味作狀扮哂矜貴。
十個女仔九個玉砌，情懷善變確係文藝，
郁Ｄ都會發起郎黎，一出眼淚就要安慰。
望女仔續個睇眼厲厲(眼厲厲)，燕瘦環肥大細樣樣齊(樣樣齊)，
男仕實在要感激上帝(Hallelujah)，皆因女仔使你意亂情迷。
2.那裡是吾家
作詞：許冠傑／黎彼得
作曲：許冠傑
足跡遍天下，看透異國繁華，
桃源仙境似夢也，始終找不到吾家。
安居似虛話，遠處密罩雲霞，
何時一朝見霧化，子孫歡笑艷陽下。
啊！萬千燈火透廣廈，
啊！那裏是吾家。
3.一生中幾許歡笑
作詞：許冠傑／黎彼得
作曲：許冠傑
人人唔駛介紹，齊齊狂歡慰寂寥，
圍埋齊大跳，圍埋齊大叫，拋開顧慮你咪心焦。
彈彈情歌愛調，談談鋤Ｄ既油脂熱潮，
圍埋齊大跳，圍埋齊大叫，一於開心Ｄ講下笑。
明月與星星光永照，陪伴你分享歡與笑，
但願各位不再眼淚掉，輕輕鬆鬆珍惜分與秒，
明瞭人生奧妙，朋情永不會動搖。
年齡唔重要，錢財唔重要，一生中幾許歡。
4.鍚曬你
作詞：許冠傑／黎彼得
作曲：許冠傑
錫曬妳，妳乖乖地我實行錫曬妳，
倆家都拖到實隻手指尾，上去天棚放飛機。
Honey 錫曬妳，駛乜講我直頭錫曬妳，
我係屋企帶定個影相機，替妳羅景訓響地。
照顧妳，因住冷親即刻山多張被，
買野質俾妳食，郁Ｄ慌死妳餓過飢。
一於錫曬妳，妳乖乖地我實行錫曬妳，
妳想搬乜我做妳好咕哩，冷氣機都托得起。
Honey 錫曬妳，駛乜講我直頭錫哂妳，
我洗衫洗褲又會整幾味，跟Ｄ飛仔冇得比。
(錫曬妳，一於錫妳，冤鬼錫曬妳)
一於錫曬妳，妳乖乖地我實行錫曬妳，
妳想出街我做妳好司機，送野疏爽冇慳皮。
5.春夢
作詞：許冠傑／黎彼得
作曲：許冠傑
多少話，皆春夢，
情路片刻欣逢，相思暗種，
桃紅笑春風，綿綿情意重，
於今隻影空對煙雨濛濛。
多少恨，皆春夢，
回味往昔癡纏，深恩錯送，
情緣兩皆空，良辰難再共，
癡癡對窗忽覺秋意漸濃。
黃葉眼前飄飄露珠掛簾攏，
徒令滿懷悽愴往事成幻夢，
逝似一江春水漸漸東去，
故地懷舊暗悲慟。
多少淚，皆春夢，
寒夜滿天星辰點點惹恨痛，
梧桐怨秋風，無從見芳蹤，
追憶美景春去鬱結重重。
6.知心友
作詞：許冠傑／黎彼得
作曲：許冠傑
共並肩看夕陽光輝千縷，遙望晚霞足以開解困憂，
恨與哀怨共仇不必追究，今天喜得一個知心友。
面對波折重重君休苦透，同渡困難應要甘苦永守，
若有衝突問題不須爭鬥，分析解決自然化恨仇。
我共您此心永互扣，好比音韻二重奏，
我共您不分老或幼，朋情柔柔共永久。
讓美景永長留花開錦繡，長互勉享歡笑乾杯美酒，
踏遍天下難求知心友，得到一個做人復何求。
7.加價熱潮
作詞：許冠傑／黎彼得
作曲：De Knight-Freedman
你怕！我怕！個個怕！
煙加！酒加！屋租加！
巴士加！的士加！多士芝士乜都加！
加！加！加！加！加！
糖又加！鹽又加！
成日咁加任佢話！其實無他！
你住人屋宇下，佢梗收買路錢挪兩渣，
買佢怕！買佢怕！要加就加！總之慣啦！
牛油又加！蠔油又加！
燃油又話每「卡」七個六，其實無他，
佢石油多到極，可惜真金白銀貶曬值，
冇法啦！冇法啦！佢加就加！都由佢啦！
紅荳沙！茶葉渣！
全部要加慘到極，陀累全家，
靠份糧點夠食，卒之查到鼓油都冇滴，
夠啦卦！夠啦卦！咪枕住加，喂！好啦卦！
時時話加！年年話加！
無盡咁加趕到絕，求助哪吒，
我望能生對翼，即刻飛上月球再搵過食，
就冇有怕！冇有怕！佢加就加！拜拜啦！(加加加……) (怕怕怕……)
人人話加！頻頻話加！
成日咁加任佢話，其實無他，
我做人多說話，係Ｄ加價熱潮風氣下，
八下卦！八下卦！發起爛渣，谷鬼氣嘛！
8.何日再相逢
作詞：許冠傑／黎彼得
作曲：許冠傑
何日再相逢，暢聚惜匆匆，冉冉烏雲，蓋掩月朦朧，
臨別意千重，往事刻心中，遠隔天涯，悲慼難自控。
弧鴻各飛盼自重，那復計西東，
點點指爪不堪記，良朋惜別痛。
明日見飄蓬，舞動秋風中，盼望你，心底裡，訊息能互送。
何日再相逢，有淚心間湧，片片衷情，寄交潮浪送。
9.忍
作詞：許冠傑／黎彼得
作曲：許冠傑
成日咁 mung，一陣你就呻笨，成日咁 mung，乜鬼都挪挪震，
郁的火遮眼，我祝你好運，白癡都有份，無謂去撼，駛乜 mung 刀挪棍，
無謂去撼，應該接受命運，睇開的啦喂，咪嬲到失魂。
一於要忍，幾大都要死忍，唔順氣就會抽筋發 tee tun (身子要緊)，
必須要忍，把幾火會燒心，唔係你就有花圈送定殯(天國就近 果處就近)。
無謂咁汞，你要愛護敵人，無謂咁汞，拋開你既怨恨，
因乜呱呱叫，去抖下啦笨，係驚都兩份，凡事放心 今晚好早的訓，
凡事放心，聽朝你會轉運，諸君應該有阿Ｑ既精神。
10.腐朽化神奇
作詞：許冠傑／黎彼得
作曲：許冠傑
點解冇心機，成日自己谷氣，
郁下就要死，話冇存在趣味，
猛鬧唔合理，成日'WUN'晌屋企，
充滿自卑心理，冇曬癮鬼咁悲。
駛乜冇心機，其實做左鄉里，
不要自欺，就有存在趣味，
切勿忘記，前路每多生機，
祗要立心爭氣，你會向高處飛。
人生難免多傷悲，何必呼天搶地，
人生猶如做緊戲，NGo左TAKE TWOo黎過，就腐朽化神奇。
11.催眠曲
作詞：許冠傑／黎彼得
作曲：許冠傑
人浮在世好比滿天星，明亮或暗數不清，
流星耀眼光輝遍天空，轉瞬逝去無形。
菩蕾定有一朝見花開，明媚艷美等君採，
人生幻變不必記心中，歡笑定會復來。
所以你放心安睡，拋卻一切莫掛累，
輕抹去眼中的淚，此際盡忘掉顧慮。
12.說一聲再見
作詞：許冠傑／黎彼得
作曲：許冠傑
曾經天天相見，如今空對無言，甜蜜既詩篇，
一息間變遷，愛海裡輕舟，終於擱淺。
明知不應欺騙，何必一派胡言，無論昨天係點，
美夢難重現，祇好說一聲再見。
縱使心中悽酸，難求月缺復圓，毋用為我夢繫魂牽。
何須傷心嗟怨，情天轉眼夢斷，前事化輕煙，
過後莫懷念，匆匆說一聲再見。
| 
-79夏日之歌集.jpg)